سمير :
اسكت لاتضل تشكي بهاماك
وتلوم الروح وتعضعض بهاماك
اخذ طبع النخل وارفع بهاماك
واذا باطين عرگك هاي هيه
رحيم :
لئن طكات شماتي بهاماي
وشل لا تظن عيني بها ماي
اذا علذل رظه يبصم بهاماي
اكطعه وا يرظالي برديه
سمير:
الدنيه شما احبنها وبرها
تزفني بمخايطها وورها
جاعت ناكتي وكلت وبرها
الدرب الظلل وخاف ترد عليه
رحيم:
بحرك كمت دورته وبرك
وبعد ماينفع ايمانك وبرك
اذا مخيط الك نابت وبرك
وشم دكن ب***ي من الاذيه
سيمر:
عليمن تحسب اغلاطه تعدله
الميت بلبجي شتظن تعدله
العوج عوده صعب ظنك تعدله
يظل اعوج لمن تلفه المنيه
سمير:
تحب بيه طبع لا ذم ولا داس
وجدمي ما مشه الشينه ولاداس
لهذا ماربح حظي ولا داس
صفه حته الربح خسران بيه
رحيم:
صافي وخلل مابيه ولا عيب
ولا عرف الحجي الملوي ولا عيب
وعدو لي خجل لا يعرف ولا عيب
فرق بيني وبينه بعد الثريه
سمير:
انا من الجرح ما خاف لو سال
يرى الشامت وخاف اشلون لو سال
سيفك بلجذب لعداي لو سال
علي هد واكولن هد اليه
رحيم :
انا روح اليالي مر سنها
وسيوفي مغمدتها مرسنها
الاصيله انته تعرفه مرسنها
اركاب عداي مبردهن بديه
سمير:
كلي الربع بينو كتله الربع ظلو
كلي اشعجب ما اجو كتله اعتقد ظلو
كلي تعرف السبب كتله السبب ظلوه
***ي طبعهم شنو كتله الحلو مرهم
كلي اذا ما اجو كتله العدل مرهم
كلي اشو غيمت كتله الربع ظلو
رحيم :
يا سباح ***ي من حشاكم
وعليه من العدو ذل من حشاكم
اسب وارجع وكولن من حشاكم
اعزاز ومن اسب ترجع عليه
سمير:
طبعك مو شجي وكتلك شجاني
شجنيت اوياك شو كلي شجاني
امس جنت انحظن وانشم شجاني
كنفذ والحظن حسره عليه
رحيم :
الف دنياي كلها ما تلفني
وعنيد وغير شخصك ما تلفني
عمت عين المنايه ماتلفني
اهز دنيه ومره تلعب عليه
سمير :
جرحني وللجرح ملكيت وصفه
يوصفني وعليه يتيه وصفه
يخبطني الزمن والعوز وصفه
وانا الخابط ابد ميلوك اليه
رحيم:
ظلوعي بعز سموم الصيف شتن
على اظعوني المشن وبليل شتن
ي***ي اشمنتظر بلباب شتن
سرو غبشه ومشو من غير جيه
يارب تعجبكم