قصيدة للمرحوم رحيم المالكي عن امير المؤمنين

اقوى قصيدة للمرحوم رحيم المالكي

توازت ويانه ياحيدر وصلت لحد الكصر حته تاريخ الوطن صاحوا مزاد
ورادوا يبيعونه بس بيا بسعر بيا سعر ينباع دم الاولياء
هايه مو صفقه ولا ورقة و حبر
ولله قهرونه يحيدر يا علي
الشفاعه يا أمير المؤمنين يا شفيع لأمتك يوم الحشر
انته من عضمة لسانك يا علي كلت للشدات ضمونه ذخر
ويم حضرت سيدي يهيم الذكر كلم الحجه علينه يا علي
وكله حيل توازت وضاك الصدر ليا وكت نبقه احنه يا حامي الحمه
ننضرب بالسوط وندوس الجمر ليا وكت ننتظر لحضات الشنق
والمشانق عالركاب وتنتظر
وصارت الدنيه مثل يوم الحساب ووكف عزراييل بيهه بكل شبر
أنعسرنه بقوة عسر الظالمين ودمنه بجه الكاع من كثر العسر
نبقه مجبورين أحنه ليا وكت امداهه الدنيا لو صارت جبر

لحدمن الاستعمار يابو المجتبه ضلوعنه لهل الطمع صارت جسر
طاغيه يسلم كتابه لطاغيه وذاك ينطي لهاذ تسهيل الامر
شكد صبرنه سنين يا حامي الحمه وبعد ما بينه يحيدر عالصبر

مرمرونه وداعتك يابو الحسين وشفنه من افعالهم نجم الظهر
ليش كل ايه اليجينه ينذبح شكم حكيم انذبح شكم صدر بصدر
انهدم دم السادة في هذا الزمان دم رسول الله يحيدرنه انهدر
بيا عذر باجر نكابل فاطمه من تعاتبنه نجيهه با عذر
أطالب الزهراء بولد المصطفى تكول وين الثار وين أعضم اجر
هي جم عمامه طاحت عالارض ومحد يطالب بحكهه وتندثر
والله عيب شلون يا شيعه علي هاي بالتاريخ الاسود تنذكر
هاي بالتاريخ الاسود تنذكر

مما راق لي فنقلته لكم

شكرا يا رضوان على القصيدة

شكرا على المرور