administrator المدير العام
المشاركات : 3009 العمر : 33 العمل/الترفيه : موظف تاريخ التسجيل : 23/06/2008
| موضوع: قصيده غزل الجمعة أبريل 22, 2011 4:15 pm | |
|
- السلام عليكم
- الواحد فرد مايقبل التقسيم
- بس اني انقسم وبدونك اتعدد
- اتقسم بدونك ونجمع ويااك
- لان كلي ويه كلك بيك يتوحد
- جنت جاهل وجيك اتشرد من الناس
- هسه اتعلمت من نفسي اتشرد
- عشكتك ذره ذره وصرت اغار عليك
- اذا محد يبوسك اذبح المحد
- ولك لاتنطرح يم ناس تعبانبن
- مو طولك حصاد اشلون تتمدد
- وشعرك ليله ظلمه اتوحشت عل ريح
- كلما هب عليها اتلفلفه باسود
- وجبينك ايد موسى المعجزه البيضااء
- مو حقه الكفر من شافك اتعبد
- وفراشة نور اذنك والزلف خطاف
- مره ايحط عليها ومره يتبعد
- وجفنينك سمه ومجفي عله رمشك ليل
- اذا ترمش يظل فرقد يطك فرقد
- يلعينك بحيره بكل هدووء الليل
- ودموعك نوارس لو مشت علخد
- وعله خدودك صور منقوشه من بوساات
- اباوع بصور مابايسك احد
- وشفتينك شمس من تبتسم نصين
- يكطعها البرق وبنصها يجمد
- وحنجك صدر بجعه انصاغت من النور
- اذا ماتت شمس من نوره تتولد
- ومثل زمزم ركبتك نص ذهب نص جاام
- وعين الماي هاي العصدر تركد
- ونام أباب صدرك وذنب وانخاك
- كبتين الذهب ماتشفع لأحد
- يبو ايد الثلج لاتطلع بتموز
- مو خاف الثلج خاف الخلك تبرد
- واذا لا مو ثلج كل هلبياض منين
- معقوله العظم فوك الجلد يصعد
- يل جتفك مناره بيا شرع يا دين
- اموت من العطش وكبالك اتشهد
- وحدر جتفك فرات ودجله ملتقيات
- وشفت شط العرب جوه الجتف ممتد
- وباوع عل بطن مو ركبت الدلفين
- لان عين الحياة بفرضتك تركد
- يبو ساك الكطن ليش افتحتلك باب
- مو خاف الكطن بالعين يتفرهد
- خطواتك حضاره وخصرك التاريخ
- اذا تمشي العرب فوك الفرس تصعد
- وعلي كل ماتمر يجبرني حسن البيك
- اوصفنك لجن من وصفك اتردد
- لذالك ماوصفتك وعتذر يهواي
- وصفت الخيال المنك اتولد
- اعجبني
| |
|
angel love عضو جديد
المشاركات : 14 العمر : 34 العمل/الترفيه : مسلسلات خليجيه تاريخ التسجيل : 22/04/2011
| موضوع: رد: قصيده غزل الأربعاء مايو 04, 2011 3:53 am | |
| يسلموووووووووووووووووووووووو | |
|