والله وشسويتي بيه
1426هـ
للرادود : محمد الصغير
مساهمة من : قيصر العراق
والله وشسويتي بيه آيا عملة كربلاء .. چنت هيبه بزود اخوتي و عدت و آنا مذللة
وين چـانت هاي اليه و الـگللب بيها ابتلى .. يا شهر عاشور عـگبك لو گلت لك لا خلى
و الحزن مر على زينب يا بشر يتحمله .. و الحزن مر على زينب يا بشر يتحمله
شلون ترضيها من جيتـچ اوصل لهذا الوضع .. كربلاء و هاي المصيبة اشتكيها بيا دمع
و اليجي خطار عندچ ليش گـللبه ينصدع .. و ليش من زينب اجت راس حسين اخوها منـگطع
لضحو بالطف اخوتي وينا و وين الدمع .. ذاك راس حسين ذاك معلـگ بسن و رمح
***
لاچفن عالغبرة مرمي الجسد ظل منطرح .. لو بغيت احرسها جثته والله لو بيدي يصير
كربلاء يالي الشريعة الصاب اخوي بهامتك .. بالله خبريني على حاله شلون صارت طيحته
ما نريد الماي منه ردنا منه شوفته .. بالسهم مصيوبه عينه و يمه طاحت رايته
كربلاء ويا حال الاكبر حاله الله يساعده .. شلون حال حسين ابوه و حالة امه الفاگـده
ما بـچت معذورة حـگها و حـگ گـللب الوالده .. شلون بالله تعوف ابنها و لو مشى الحادي و و حـچـى
***
و الله وشسويتي بيه و هاي ما صارت ابد .. بكربلاء عبدالله بعده ما تهنى بهلمهد
بالسهم نحره تصوب فيض بدمه الولد .. انسـگـى بفيض دمه و نام نومه ما قعد
عملتـچ ماكو مثلها ينضرب بيها المثل .. صرتو ضدي ويا دهري و الدهر بيه شعمل
بيـچ راحو كل اخوتي و بيـچ ضيعت الأهل .. دنيتي بعيوني ضاگـت و انتظر وقت الأجل
ضيوف عندچ احنا جينا ما تلـگيتي الضيوف .. احنا مدينا ادينا و انتي مديتي السيوف
***
آه من غدرچ اصيحه و آه منـچ يالطفوف .. اغلى ناسي ودعتهم بيهم عيوني تشوف
كربلاء و امنين اجيتي و وين چـانت هايلي .. ليش مكتوب على زينب بالمصايب تبتلي
بيـچ شفت آنا العجايب و بيـچ راحو كل هلي .. خلاف اخوتي الضيعتهم بعد بالدنيا شلي
لمى تنخى خوان حلوه والله لو گـعدو سوا .. و گـللبي من الزمن هذا شاف من عنده و حوا
غير بس هلمو مصايب و الـگللب منه ارتوى .. ايست و احلامي راحت و راح عمري و انطوى
والله شسويتي بيه ايا عملة كربلا
موضوع: والله شسويتي بيه ايا عملة كربلا 
الخميس فبراير 04, 2010 11:18 pm
